අත්අඩංගුව ගත් සරසවි සිසුන්ට ඇප - PHOTOS

අධිකරණ නියෝග කඩකරමින් විරෝධතාවයේ නිරතවීම සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටි ශිෂ්‍ය භික්ෂූන් වහන්සේ ඇතුලූ සරසවි සිසුන් අටදෙනා අද(19) ඇප මත මුදා හැරුණා.

ඒ සැකකරුවන් අද කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර හමුවට ඉදිරිපත් කළ අවස්ථාවේදීයි. එහිදී  නියෝග කෙරුණේ රුපියල් ලක්ෂයක් බැගින් වූ ශරීර ඇප මත ඔවුන් මුදාහරින ලෙසයි. මාළඹේ පෞද්ගලික වෛද්‍ය විද්‍යාලයට එරෙහිව පසුගිය බදාදා කොළඹ පැවති විරෝධතාවයෙන් අනතුරුව මෙම පිරිස අත්අඩංගුවට ගැනුනා.

කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර සැකකරුවන්ට නියෝග කළේ සිද්ධිය සම්බන්ධයෙන් සිදුකෙරෙන පොලිස් පරීක්ෂණවලට බලපෑම් නොකරන ලෙසයි. නඩුව යළි ලබන ජූලි 21 වනදා විභාගයට ගැනීමට නියමිතයි.