එඩින්බර්ග් විශ්වවිද්යාලයේ මහාචාර්ය ඉයන් මේන් අනුමාන කරනුයේ, භූ කම්පන හේතුවෙන් එවරස්ට් කන්දෙහි උස සුළු වශයෙන් වෙනස් විය හැකි බවට ය.
කෙසේ වෙතත්, නිශ්චිතව ඒ පිළිබඳව නිගමනයකට එළඹීම සඳහා තවදුරටත් පරීක්ෂණ පවත්වන බව ඔහු පවසයි. බ්රිතාන්යයේ ඩර්හැම් විශ්වවිද්යාලයේ භූ විද්යා අධ්යයන අංශයේ කථිකාචාර්ය මාර්ක් ඇලන් පෙන්වා දෙන්නේ, භූ කම්පනයකදී එය සිදුවූ කලාපයේ භූ ස්ථරය යම් ගිලා බැසීමකට ලක් වන බව ය.
මේ හේතුවෙන් කත්මණ්ඩු නගරය පැවති ස්ථානයෙන් මීටර් 3ක් පමණ උතුරු දෙසට තල්ලු වී ඇතැයි කේම්බ්රිජ් විශ්වවිද්යාලයේ විශේෂඥයෙකු වන ජේම්ස් ජැක්සන් පවසයි. මෙම භූ විපර්යාස එවරස්ට් කන්දෙහි උස වෙනස් වීමට බලපානු ඇතැයි භූ ගර්භ විද්යාඥයින්ගේ අදහස වී තිබේ.
කෙසේ වෙතත්, එවරස්ට් කන්දෙහි උස සුළු වශයෙන් අඩු විය හැකි වුව ද එය තවදුරට ත් ලොව උස ම ස්ථානය ලෙස පවතිනු ඇත. ලොව උස ම කන්ද ලෙස සැලකෙන එවරස්ට් කන්ද මීටර් 8848ක (අඩි 29029) උසකින් සමන්විත ය.
No comments:
Post a Comment