නම වෙනස් නොකලොත් අලූගෝසු තනතුරු හිස්

දැනට වසර එක හමාරකට ආසන්න කාලයක් තිස්සේ පුරප්පාඩු වී ඇති අලූගෝසු තනතුර සදහා සුදුස්සන් දෙදෙනෙකු බදවා ගැනීමට පෙර එම තනතුරට සුදුසු වෙනත් නමක් තෝරා ගත යුතුව ඇතැයි බන්ධනාගාර දෙපාර්තමේන්තුව පවසයි.

පුරප්පාඩු වී ඇති මෙම තනතුර සදහා ඉල්ලූම්පත් 160 ක් මේ වන විට ලැබී ඇතැයි පුනරුත්ථාපන, බන්ධනාගාර, ප‍්‍රතිසංස්කරණ අමාත්‍යංශ ප‍්‍රකාශකයෙක් පැවසීය.

වැලිකඩ හා දුම්බර (කලින් බෝගම්බර) බන්ධනාගාර සඳහා අලූගෝසු තනතුරු තවමත් පුරප්පාඩු වී පවතී. මීට පෙර කීප අවස්ථාවකදීම මෙම තනතුරු දෙකට පුද්ගලයන් බඳවා ගනු ලැබූවද ඔවුන් සේවය හැර ගොස් තිබිණි.