ඩොලර් බිලියනයේ කැඩුනු සපත්තු – ඇමති ටී.බී. රැවටිලා නෑ

චීන ජනාධිපතිවරයා මෙඑටට පැමිණි අවස්ථාවේ කැඩුණු සපත්තු කුට්ටමට ආ ඩොලර් බිලියනයේ ලංසුව ගැන සංස්කෘතික අමාත්‍ය ටී.බී ඒකනායක මහතාගෙන් කොලඹ පැවති මාධ්‍ය සාකච්ඡවකදී මාධ්‍යවේදීන් විමසා සිටි අතර, ඇමතිවරයා ඊට පිළිතුරු දීමෙන් වැළකී සිටියේය.

මාධ්‍ය සාකච්ඡවෙන් පසුව ඒ ගැන පිළිතුරක් ලබා දීමට සූදානම් බව ඇමතිවරයා පැවසුවද සාකච්ඡව අවසන් වූ පසුව ඇමතිවරයා මුණගැසීමට ඔහුගේ කාර්යාලය වෙත යෑමට මාධ්‍යවේදීන් ගත් උත්සාහයේදී ආරක්ෂක නිලධාරීන් පැවසුවේ ඒ සදහා ඉඩ ලබාදිය නොහැකි බවයි.

ඒ ගැන අදහස් දැක්වූ සංස්කෘතික කටයුතු පිළිබද අධ්‍යක්ෂ විජිත කණුගල මහතා සදහන් කළේ,සපත්තු දෙක කෝටි ගණනකට ඉල්ලා ඇතැයි යන්න පිළිබදව තමාටද එකවර පිළිතුරක් ලබාදිය නොහැකි බවයි.

කෙසේ වෙතත් ඇමතිවරයා රැවටීමකට ලක්ව ඇතැයි යන්න පිළිගත නොහැකි බවත්, ඔහු ඒ ආකාරයට රැවටෙන පුද්ගලයෙකු නොවන බවත් අධ්‍යක්ෂකවරයා පැවසීය.