යුරෝපා සංගමය ශ‍්‍රී ලංකා මාළු තහනම් කරයි..

යුරෝපා සංගමය විසින් ශ‍්‍රී ලංකාවෙන් යුරෝපයට ආනයන කරන මත්ස්‍ය නිෂ්පාදන මිල දී ගැනීම නවතා දැමීමට තීරණය කර තිබේ.

යුරෝපා සංගමය පවසන්නේ මාස තුනක කාලයකින් පසුව ශ‍්‍රී ලංකා ධජය සහිත යාත‍්‍රා වලින් අල්ලන මත්ස්‍යයන් හා ඒ ආශ‍්‍රිත නිෂ්පාදන යුරෝපා සංගම් වෙළෙඳපොළට ගෙන ඒම තහනම් කරන බවයි.

මීට හේතුව ලෙස යුරෝපා සංගමය දක්වන්නේ ශ‍්‍රී ලංකාව ජාත්‍යන්තර නීති වලට පටහැණිව කටයුතු කරන බවත්, නීති විරෝධී ධීවර කටයුතු වල නිරත වෙන බවත්ය.

එම නීති වලට හා ප‍්‍රමිතීන් වලට අනුකූලව කටයුතු නොකරන්නේ නම් මත්ස්‍ය නිෂ්පාදන මිල දී නොගන්නා බවට යුරෝපා සංගමය 2012 වසරේ නොවැම්බර් මාසයේ දී ශ‍්‍රී ලංකාවට අනතුරු අඟවා තිබුණි.