ජය සහතිකයි.. සිරි මා බෝධියේ බෝ පතක් ජනාධිපතිගේ මල් වට්ටියට වැටුණා

ජනාධිපති මහින්ද රාජපක්‍ෂ මහතා සිරි මා බෝධිය වදිද්දී ඉන් බෝ පතක් එතුමාගේ මල් වට්ටියට වැටුණ බව අමාත්‍ය සී.බී. රත්නායක මහතා පවසයි.

අනුරාධපුරයේ පැවති ‘රට රකින නිල් පවුර-සුරකිමු මව්බිම’ ජන හමුව අමතමින් ඔහු එසේ කීය.

අමාත්‍යවරයා එහිදී මෙසේද කීය.

‘හම්බන්තොට වරාය හදනවා කියන කොට ගලක් තියනවා කියපු කෙනා දැන් අපේ පැත්තට ඇවිත් කියනවා ගලක් නෑ කියලා කියපු කෙනා දැන් අපේ පැත්තට ඇවිත් කියනවා ගලක් නෑ කියලා. ගුවන් තොටුපළට මොනරු එනවා කියපු අය අපේ පැත්තට ඇවිත් කියනවා මොනරු එන්නේ නෑ කියලා.

සාධාරණ විවේචන ඉදිරිපත් කරන්න. ඒවාට නිවැරදි පිළිතුරු ඉදිරිපත් කරන්න අපි සූදානම්. අපිත් මේ මහ පොළවේ පය ගහලා සමාජය ගොඩනගන්නයි උත්සාහ කරන්නේ.මම කියන්නේ නෑ අපේ පැත්තෙ සර්වසම්පූර්ණ, අංග සම්පූර්ණ, සර්ව බලධාරීන් ඉන්නවා කියලා.

ජනාධිපතිතුමත් එක්ක පහුගිය දවසක මම ජය ශ‍්‍රී මහා බෝධීන් වහන්සේ වදින්න ආවා.ජය ශ‍්‍රී මහා බෝධීන් වහන්සේට ජනාධිපතිතුමා මල් වට්ටිය පූජා කරද්දීම ජය ශ‍්‍රී මහා බෝධීන් වහන්සේගේ බෝ පතක් ඒ මල් වට්ටියට වැටුණා. ජනාධිපතිතුමන්ගේ ජයග‍්‍රහණය ස්ථීරයි’