බෞද්ධයන්ට අපහාස කල රංගෙ බණ්ඩාරට හා මුජිබර් රහුමාන්ට වැඩ වරදින ලකුණු!

රාජ්‍ය අමාත්‍ය පාලිත රංගෙ බන්ඩාර සහ පාර්ලිමේන්තු මන්ත‍්‍රී මුජිබර් රහුමාන් යන මහත්වරුන් සිරිකොතේ පැවැති මාධ්‍ය හමුවකට සහභාගී වෙමින් බෞද්ධයන්ගේ සිත් වේදනාවට සහ පීඩාවට පත් කරන ප‍්‍රකාශ කළැයි කියන සිද්ධියක් සම්බන්ධයෙන් විමර්ශනයක් ආරම්භ කර ඇති බවට සංවිධානාත්මක අපරාධ නිවාරණ කොට්ඨාශය කොළඹ ප‍්‍රධාන මහේස්ත‍්‍රාත් අධිකරණයට ඊයේ(10) කරුණු වාර්තා කළේය.

මාලඹේ ඉසුරුපුර ශ‍්‍රී විමලාරාමයේ වැඩ වෙසෙන අගුලුගල්ලේ සිරි ජිනානන්ද හිමියන් විසින් ඉකුත් 23වැනිදා පොලිස්පතිවරයා වෙත කරන ලද පැවිණිල්ලකට අනුව මෙම විමර්ශනය ආරම්භ කල බව සංවිධානාත්ම අපරාධ නිවාරණ කොට්ඨාශය කොළඹ ප‍්‍රධාන මහේස්ත‍්‍රාත් ලාල් රණසිංහ බණ්ඩාර මහතාට දන්වා සිටියේය. ඉකුත් 20 වැනිදා සිරිකොතේ පැවැති මාධ්‍ය හමුවකදී රාජ්‍ය අමාත්‍ය රංගෙ බණ්ඩාර මහතා සහ පාර්ලිමේන්තු මන්ත‍්‍රී මුජිබර් රහුමාන් මහතා විසින් ලක්වැසි බෞද්ධ ජනතාවගේ සිත් වේදනාවට පත්වන ආකාරයෙන් මෙම ප‍්‍රකාශ කර ඇති බවට සිය පැමිණිල්ලෙන් දක්වා තිබිණ.

ඒ අනුව අදාළ මාධ්‍ය සාකච්ජාව ආවරණය කළ මාධ්‍ය ආයතන 06කට එම ප‍්‍රවෘත්තියට අදාල ඩී.වී.ඩී තැඩි තම කොට්ඨාසය වෙත ලබාදෙන ලෙසට නියෝගයක් නිකුත් කරන ලෙස සංවිධානාත්මක අපරාධ නිවාරණ කොට්ඨාශය අධිකරණයෙන් ඉල්ලා සිටියේය


Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment