අකිල විරාජ්ලා වගේ බෝනික්කන් මීට කලින් අධ්‍යාපන ඇමැතිකම් කර නෑ..

අකිල විරාජ්ලා වැනි බෝනික්කන් මීට කලින් අධ්‍යාපන ඇමැතිකම් කලේ නැතැයි වයඹ පළාත් සභා මහ ඇමති දයාසිරි ජයසේකර මහතා පවසයි.

‘අලූත් අධ්‍යාපන ඇමැති මහින්දෝදය නම වෙනස් කරනවාලූ. එහෙම කරනවා නම් කලින් ආපු ඞී.එස් සේනානායක, කන්නන්ගර, බණ්ඩාරනායක වගේ නම් පවා වෙනස් කරන්න වෙනවා.

මේ අය වෛරයක් පිරිමහගන්නයි හදන්නේ. අත්දැකීම් නැති අයට තනතුරු ආවාම කරන්නේ මොනවද කියලා ඔවුන්ට තේරෙන්නේ නැහැ. 

මීට කලින් අධ්‍යාපන ඇමැතිකම් කෙරුවේ මේ වගේ බෝනික්කෝ නෙවෙයි. දැන් අය කරන්නේ මාධ්‍යයට මොනව හරි කියන එක විතරයි’ යයිද මහ ඇමතිවරයා සදහන් කරයි.