බද්රි පවසන්නේ තෙල් මිල ඊට ළගා විය හැකි අවම මට්ටමට පැමිණ ඇති බවයි. සමුළුවකට සහභාගී වෙමින් සිටි අතරවාරයේදී ඔහු මේ අදහස් දක්වා තිබේ.
බොරතෙල් බැරලයක මිල ඩොලර් 45-50 පමණ වූ පසු එය ඊට වඩා අඩු විය නොහැකි බව බද්රිගේ අදහසයි. පසුගිය වසරේ ජුනි මාසයේ සිට මේ දක්වා 50%කින් පමණ තෙල් මිල පහත වැටී තිබේ.
කෙසේවෙතත් ඔපෙක් ප්රධානියාගේ ප්රකාශයෙන් පසුවද සඳුදා දිනය තුළ තෙල් මිල මදක් පහත වැටුණු නමුත් අගහරුවාදා යළි එය සුළු වර්ධනයක් අත්පත් කරගත් බව වාර්තා වේ.
මාර්ච් බ්රෙන්ට් බොරතෙල් මිල ඩොලර් 48.33 දක්වා ශත 17කින් වැඩිවූ අතර ඇමරිකානු සම්මතය වන බටහිර ටෙක්සාස් අන්තර්මධ්යම බොරතෙල් මිල මාර්තු මස සැපයුම් සඳහා ඩොලර් 45.26 දක්වා ශත 11කින් ඉහළ යන ලදී.
සවුදි අරාබියාවේ අබ්දුල්ලා රජුගේ මරණයෙන් පසුවද තෙල් මිල මදක් ඉහළ ගියද සවුදි අරාබිය සිය තෙල් නිෂ්පාදන ප්රතිපත්තිය වෙනස් කරාවිද යන්න සම්බන්ධයෙන් ආයෝජකයින් තුළ දෙගෙඩියාවක් පවතින බව පැවසේ.
ඔපෙක් සංවිධානයේ ප්රබල සාමාජිකයෙකු වන සවුදි අරාබිය විසින් සිය නිෂ්පාදන මට්ටම් නොවෙනස්ව පවත්වාගැනීමට ගත් තීරණය සමග තෙල් මිල වඩාත් පහත වැටිණි.
.jpg)
No comments:
Post a Comment