දැන් ඇමරිකාවේ පුරවැසියෙකුටත් මේ රටේ ජනාධිපති වෙන්න පුළුවන්

බැසිල් රාජපක්ෂ මහතාගේ බලාපොරොත්තුව ඊළඟ ජනපතිවරයා වීම නම් ඊට ඇති බාධක සියල්ලම ඉවත් කර තිබෙන බව සමගි ජන බලවේගය පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා අවධාරණය කරයි.

ඒ අනුව මන්ත්‍රීවරයකු වීමට පමණක් නොව ඇමරිකානු පුරවැසියෙකුට ශ්‍රී ලංකාවේ ජනාධිපතිවරයා වීමට ද දැන් හැකි බව ඔහු වැඩිදුරටත් සඳහන් කරයි.

ඇමරිකාවේ හා මෙරට පුරවැසිභාවය තිබෙන පුද්ගලයකු  ප්‍රමුඛතාවය ලබා දිය යුත්තේ ඇමරිකානු පුරවැසිභාවයට බව ඔහු පෙන්වා දෙයි.

ඒ බව ඇමරිකාවේ පුරවැසිභාවය ලබා ගන්නා වෙනත් ඕනෑම රටක පුද්ගලයකුට කරනු ලබන විශේෂ දැනුම්දීමක් වේ.