ලංකා ඊ නිව්ස් කතෘ සඳරුවන්ගේ පදිංචිය සොයන්නැයි නියෝග..

අධිකරණයට අපහාස කළැයැයි සම්බන්ධයෙන් පෙත්සමක් මගින් චෝදනාවකට ලක්ව සිටින ලංකා ඊ නිව්ස් කතෘ සඳරුවන් සේනාධීර මහතා පදිංචි නිවස සොයා අධිකරණයට දැනුම් දෙන්නැයි ශ්‍රේෂ්ඨාධිකරණ ත්‍රිපුද්ගල විනිසුරු මඩුල්ල අදාළ පෙත්සම්කාර නීතිඥ මධුර විතානගේට අද(16) නියෝග කළහ.

ලංකා ඊ නිව්ස් වෙබ් අඩවිය අසත්‍ය පුවත් පළ කර අධිකරණයට හා අධිකරණ විනිසුරුවන්ට අපහාස කළ බවට අදාළ නීතිඥවරයා මෙම පෙත්සම ගොනු කර තිබේ. එසේම සඳරුවන් සේනාධීර පිටරටක පදිංචිව සිටියද ස්ථිර ලිපිනයක් සොයාගත නොහැකි වූ බව පෙත්සම්කාර නීතිඥවරයා අද (16) ත්‍රිපුද්ගල විනිසුරු මඩුල්ල හමුවේ සඳහන් කළේය. එ අනුව අදාළ පෙත්සම සැප්තැම්බර් 28 යළි කැඳවීමට විනිසුරු මඩුල්ල තීරණය කළේය.