ටෙනීගේ දෙක වෙනස් වෙලා එළියට

විකට නළු ටෙනිසන් කුරේ විසින් අධ්‍යක්ෂණය කරන ලද “එයා තමයි මෙයා” සිංහල චිත්‍රපටය DVD තැටියක් ලෙස එළිදැක්වීමට කටයුතු කර තිබේ.

මෙය ටෙනීගේ දෙවැනි චිතුපටයයි. මෙහි කැමරාව මෙහෙයවා ඇත්තේ සම්මානනීය කැමරා ශිල්පියකු වන පී.නන්දසේන විසිනි.  “එයා තමයි මෙයා”  සංගීත අධ්‍යක්ෂණය කර ඇත්තේ සෝමපාල රත්නායක විසිනි.

මෙම චිත්‍රපටයට  නිෂ්පාදන දැයකත්වය සපයනු ලැබුවෙ ප්‍රකට චිත්‍රපට නිෂ්පාදකවරයකු වන රාජ් රණසිංහ චිත්‍රපට සමාගම වෙනුවෙන් අරුණ පෙරේරාය.

මීට පෙර ටෙනිසන් කුරේ "තැන්ක් යූ බර්ටි" නමින් චිත්‍රපටයක් නිෂ්පාදනය කළේය. නව චිත්‍රපටයේ රූ ගැන්වීම් අතරවාරයේ ටෙනිසන් කුරේ ගසකින් වැටී අපහසුතාවට පත්වූ බවද වාර්තා වේ.

“ධනවත් යුවළකගේ වලව්වක් කරා එන දුප්පත් අබ්බගාත පුද්ගලයෙකි. ඔහු වලව්ව හිමිකරුගේ අනුකම්පාව දිනාගෙන වලව්වේ බැළමෙහෙවර කමේ යෙදේ. ඔහුගේ අහිංසක ප්‍රතිරූපය කෙරෙහි වලව් හිමිකරුගේ එකම දියණියගේ සිත ඇදී යයි. 

ඇය ඔහු සමඟ ප්‍රේමයෙන් වෙළෙයි. ඉන් අනතුරුව සිදුවන හාස්‍යමය ක්‍රියාදාමයන් රැසකි. අවසානයේ ඔවුන්ගේ ප්‍රේමය ජය ගන්නේද කිසිවකුත් නොසිතූ සිදුවීම් රැසක් ඔස්සේය.”

ටෙනිසන් කුරේ, ආනන්ද වික්‍රමගේ, මානෙල් වානගුරු, දමිතා සළුවඩන, කුසුම් පෙරේරා, මාර්ක් සැම්සන් ඇතුළු නළු නිළි රැසක් රඟපාන මෙහි ප්‍රධාන නිළි චරිතය ඉමේෂා දිසානායක විසින් මවයි.

වීඩියෝව