ඔහු පෙන්වා දෙන්නේ යහ පාලන ආණ්ඩුවේ දේශපාලන පළිගැනීම් හේතුවෙන් ශ්රී.ල.නි.ප.ය පාක්ෂිකයන් තවමත් අසරණ වෙමින් පවතින බවයි.
දිවුලපිටිය ලං.ග.ම ඞීපෝවේ රියදුරෙකුට ජාතික සේවක සංගමයට සම්බන්ද පිරිසක් පහර දීමේ සිද්ධිය පිළිබදව මාධ්යට අදහස් දක්වමින් රණතුංග මහතා මේ බව සදහන් කලේය.
පහර දීමෙන් තුවාල ලැබූ හෙක්ටර් කුමාර මහතා මේ වන විට දිවුලපිටිය රෝහලේ ප්රතිකාර ලබයි. ඔහුගේ හිසට තුවාල සිදුවී තිබේ. ජාතික සේවක සංගමයට සම්බන්ධ පුද්ගලයින් කිහිප දෙනෙක් දිවුලපිටිය ඩිපෝව තුල විවිධ මැර ක්රියා සිදු කරන බව හෙක්ටර් කුමාර මහතා මහ ඇමතිවරයාට කියා සිටියේය.
සිද්ධිය සම්බන්ධයෙන් දිවුලපිටිය පොලිසියටද පැමිණිලි කර තිබේ.
දිවුලපිටිය ඩිපෝවේ සහකාර කළමනාකාරවරයා වන ඞී.ආර්.සී ජයරත්න මහතාද පවතින තර්ජන හමුවේ ඇති වූ මානසික ආතතිය හේතුවෙන් රෝහල් ගත වී ඇත.
රණතුංග මහතා ඔවුන් දෙදෙනාගේම සුවදුක් බැලීමෙන් පසු මාධ්ය වෙත අදහස් දක්වමින් පැවසූයේ ආණ්ඩුවේ යහ පාලන පොරොන්දුව දැන් රෙද්ද පල්ලෙන් බේරෙන බවයි.
ප්රජාතන්ත්රවාදය සහ යහ පාලනය පිළිබදව විවිධ පොරොන්දු දුන් ආණ්ඩුව එම පොරොන්දු ජනතාවගේ දෙනෙත් ඉදිරිපිටම සුනු විසුනු කරමින් තිබෙන බවද මේ සිද්ධිය ඉතා හොද සාධකයක් වන බව රණතුංග මහතා වැඩි දුරටත් කියා සිටියේය.
ප්රදීප් අනුර කුමාර
No comments:
Post a Comment