දිනක් පුරා සටන් කර නිවසට එන ජිහාඞ්වාදියා සතුටු කළ හැකි ආකාරයන් කාන්තාවන්ට කියා දීම මෙහි අරමුණයි. අල් සව්රා නම් මෙම අන්තර්ජාල ප‍්‍රචාරණ වැඩසටහන ඔක්තෝබර් මසදී ආරම්භ කෙරුණු අතර කාන්තාවන් දෛනික ජිහාඞ්වාදී ජීවිතයකට හුරු කිරිම සඳහා මෙය ක‍්‍රියාත්මක වේ.
ෆේස්බුක්, ට්විටර්, යූටියුබ් ආදී අන්තර්ජාල වේදිකා ගණනාවක් තුළද අල් සව්රා ව්‍යාපෘතිය කි‍්‍රයාත්මක වන බව පැවසේ.අයිසිස් සංවිධානය පවසා ඇත්තේ ජිහාඞ් සටන්බිම් සඳහා සොයුරියන් පුහුණු කරන ශිල්ප ශාලිකාවක් සහ ඉස්ලාමික රාජ්‍ය සටන්කාමීන්ට සහයෝගයක් ලෙස මෙය ක‍්‍රියාවට නංවන බවයි.
අන්තර්ජාලයේ ඇති පෑන් කේක් කෑම වට්ටෝරුව පිළියෙළ කරන ආකාරය රූප සටහන් හරහා පැහැදිලිව දක්වා තිබේ. මින් පෙර නොවැම්බර් මස මුලදී සටන්කාමීන්ට පිරිනැමීම සඳහා රට ඉඳි ආහාරයක් සකසා ගන්නා ආකාරයද කාන්තාවන් සඳහා පළ කෙරිණි.
මැහුම් ගෙතුම් මෙන්ම සිරුර ශක්තිමත්ව පවත්වා ගැනීමද අල් සව්රා තුළ අවධානය දැක්වෙන අතර අල්ලාගේ සෙබළුන් සඳහා ආහාර පිසීමට වඩා වැඩි වැදගත්කමක් ලබාදී ඇත. බටහිර තරුණියන් සිරියාවට ගෙන්වාගැනීමේදී මෙවැනි ප‍්‍රචාරණ වැඩසටහන් සාර්ථකවී ඇති බව විචාරක අදහසයි.
No comments:
Post a Comment