උදෑසන අනුරාධපුර දුම්රිය නගරයේ සේවය නරතවී සිටි රථවාහන නිලධාරින් ආරක්ෂිත හිස් වැසුම් පැලද නොගත් පුද්ගලයෙකු ලියාපදිංචි අංක තහඩු නොමැති යතුරු පැදියක් පදවා ගෙන ඉදිරියට එන අයුරු දැක පැදිය නවතන ලෙස සංඥාකර තිබේ.සැකකරු දුම්රිය නගරයේ පදික වේදිකාවක් ආසන්නයේ නවතා තිබූ ලොරි රථයකට මැදිකර යතුරු පැදිය නවතා පිටුපස අසුනේ සිටි පෙම්වතියට ඉන් බැස ගන්නා ලෙස උපදෙස්දී තිබේ.
තරුණිය ඇය යතුරු පැදියෙන් බැසගත් පසුව සැකකරු පොලිස් නිලධාරින් ඔහු ආසන්නයට ලගාවීමට පෙර විරුද්ධ දිසාවේ පදික වේදිකාව දිගේ යතුරු පැදිය පදවාගෙන පලාගිය බව පොලිසිය පැවසුවේය. පොලිස් නිලධාරින් යතුරු පැදියේ පැමිණි තරුණිය නවතාගෙන පෙම්වතා පිළිබදව ප්රශ්නකර ඔහුගේ තොරතුර අනාවරණය කරගෙන ඔහු අත්අඩංගුවට ගැනීමට අනුරාධපුර ගල්පාලම ප්රදේශයට ගොස් ඇතත් සැකකරු යතුරු පැදිය කැලෑවක සගවා පලාගොස් තිබියදි පොලිසිය යතුරු පැදිය සොයා ගෙන තිබුණි.
සැකකරු ලියාපදිංචි නොකල යතුරු පැදිය යොදාගෙන මත්ද්රව්ය ජාවරමේ නිරතවී ඇත්ද යන්න සම්බන්ධයෙන් සැකමතුවී ඇති බව පොලිසි පැවසුවේපලාගිය සැකකරු වයස අවුරුදු 21ක පමණ තරුණයෙකු වන අතර ඔහු හා පෙම්වතිය අනුරාධපුර නගරයේ පිහිටි තාක්ෂණ ආයතනයක ඉගෙනුම ලබන බව පොලිසිය පැවසුවේය. අනුරාධපුර මූලස්ථාන පොලිසියේ රථවාහන අංශයේ උප පොලිස් පරික්ෂක කේ.ටී.ඩී.පි නිශ්ශංක පොලිස් කොස්තාපල්වරුන් වන 46128 එදිරිසිංහ 10627 රත්නායක හා 48245 චන්ද්රරත්න යන නිලධාරින්සැකකරු අත්අඩංගුවට ගැනීමට පරික්ෂණ සිදුකරයි.
තිසර සමල් – එප්පාවල
No comments:
Post a Comment