තමිල්නාඩු ප්‍රාන්තයේ මැතිවරණයෙන් ජයලලිතාගේ මහ ඇමතිකම ගිලිහෙන ලකුණු පහළ වේ.

ඉන්දියාවේ තමිල්නාඩු ප්‍රාන්තයේ මැතිවරණය ජයගැනීමට එක් පක්ෂයක් මුළු ඡන්ද සංඛ්‍යාවෙන් සියයට 36.5ක් ලබාගත යුතු බව මීට පෙර පැවැති මැතිවරණ ප්‍රතිඵලවලින් පැහැදිලි වන බව පැවසේ.

මේ අනුව වර්තමාන මහ ඇමැතිනී ජයලලිතා ජයරාම්ගේ ජයග්‍රහණය කෙසේද යන්න පැහැදිලි නොමැති බව එරට වාර්තා සඳහන් කර තිබේ.
මේ මස 16 වැනිදාට නියමිත ප්‍රාන්ත මැතිවරණ සම්බන්ධයෙන් මෙතෙක් කර ඇති සමීක්ෂණවලට අනුව සියයට 5.75ක පාවෙන ඡන්ද තුළින් මෙය තීරණය වන බව හෙළි වී ඇත.

ඒ හේතුවෙන්ම ජයලලිතාගේ ප්‍රධානතම ප්‍රතිවාදියා වන ඩී.එම්.කේ. පක්ෂ නායක කරුණානිධිට ජය ලැබිමේ ඉඩකඩක් තිබෙන බව හෙළි වී ඇත. ඊට අමතරව කොංග්‍රස් පක්ෂයේ ද සහාය කරුණානිධිට ලැබිම තුළින් ජයලලිතාගේ ජයග්‍රහණය අවදානමකට ලක්ව තිබේ. ජයලලිතාගේ ප්‍රාන්ත පාලන පක්ෂය වන ඒ.අයි.ඒ.ඩී.එම්.කේ. පක්ෂය 2011 වසරේ විශාල ජයක් ලබා පසුව 2014 මහ මැතිවරණයේ දී විශාල ජයක් ලැබිය.

ප්‍රාන්ත මැතිවරණවල දී කිසිදු පාලක පක්ෂයක් නැවත වරක් බලයට පත්වීමක් 1984න් පසු මතෛක් සිදුව නැත. ඒවා ද සැලකිල්ලට ගනිමින් කර ඇති මෙම සමීක්ෂණ තුළින් අනාවරණය වනුයේ ජයලලිතාට ජය ලැබිම අපහසු වනු ඇති බවය.