බෙල්ලන්විල රජමහා විහාරස්ථානයේ පෙරහර හේතුවෙන් හෙට (25) අනිද්දා (26) සහ 27 වන සෙනසුරාදා බෙල්ලන්විල සහ ඒ අවට මාර්ග කිහිපයක රථ වාහන ධාවනය සීමා කිරීමට කටයුතු කරන බව පොලිසිය කියාසිටී.
ඒ අනුව හෙට රාත්රී 8.30ට ආරම්භ වන පාවඩ පෙරහැර මධ්යම රාත්රිය දක්වා වීදි සංචාරය කිරීමට නියමිතව ඇත.
මාර්ග අංක 119 මහරගම - දෙහිවල මාර්ගය බොරලැස්ගමුව හංදිය දක්වා ගමනාගමනය සීමා කෙරෙන අතර ඒ සඳහා විකල්ප මාර්ග භාවිත කරන ලෙස පොලීසිය දැනුම්දෙයි.
එමෙන්ම 26 වන දින රාත්රී 8.30ට ආරම්භ වන පෙරහැර හේතුවෙන් බොරලැස්ගමුව හංදිය, බෙල්ලන්තර හංදිය, පැපිලියාන විහාර මාවත හංදිය දක්වා ගමනාගමනය සීමා කෙරෙනු ඇත.
ලබන 27 වන දින රාත්රී 9.00ට ආරම්භ කෙරෙන පෙරහැර බොරලැස්ගමුව හංදිය, බෙල්ලන්තර, නැදිමාල, කීල්ස් හංදිය, සෝමරත්න මාවත, විහාර මාවත යන ප්රදේශවල වීදි සංචාරය කිරීමට නියමිතව ඇති බව පොලීසිය සඳහන් කළේය.
ඒ අනුව බොරලැස්ගමුව හංදිය, අත්තිඩිය පාලම, නැදිමාල බෝගස අසල පැපිලියාන හංදිය දක්වා රථ වාහන ගමනාගමනය සීමා කිරීම සිදුවන බව සඳහන්ය.
එසේම එම මාර්ග වෙනුවට විකල්ප මාර්ග භාවිත කරන ලෙස පොලීසිය ජනතාවගෙන් ඉල්ලීමක් කරයි.
No comments:
Post a Comment