එජාප ආණ්ඩුවක් හදන්න බැරිනම් ආණ්ඩුවෙන් අස්වී විපක්‍ෂයට යමු.. – එජාප ජ්‍යෙෂ්ඨයින් රනිල්ට බලපෑම් කරයි..

ශ්‍රීලනිපය සමඟ තවදුරටත් ආණ්ඩුව පවත්වාගෙන යාමට අපහසු නම් වෙනම එජාප ආණ්ඩුවක් පිහිටුවීමට හෝ ආණ්ඩුවෙන් ඉවත් වී විපක්‍ෂයේ අසුන් ගැනීම හෝ සිදු කරන්නැයි එජාපයේ ජ්‍යෙෂ්ඨයින් පිරිසක් විසින්  අගමැති රනිල් වික‍්‍රමසිංහ මහතාට දන්වා ඇති බව වාර්තා වෙයි.

එජාපය මූලිකව පිහිටුවන ආණ්ඩුවක් සඳහා දෙමල සන්ධානය හෝ ශ‍්‍රිලනිපයේ කණ්ඩායමක් එක් කර ගත යුතු බවත් එම පිරිස පෙන්වා දී ඇත.

ශ‍්‍රීලනිපය විසින් ජනාධිපතිවරයාගේ බලය යොදා ගනිමින් එජාපය විසින් ගනු ලබන තීරණවලට බලපෑම් කිරීම තව දුරටත් නොඉවසිය යුතු බවද ඔවුන්ගේ මතය වී ඇත.