‘ගල් අඟරු හොරා’ කීවාට චම්පික නඩු දැම්මොත් වාසු සුපිරි ගැටයක් අඹරයි.. වාසුගේ නීතීඥයා ගම්මන්පිල..

ගල් අගුරු වංචාව සම්බන්ධයෙන් චෝදනා කලා යයි ඇමති චම්පික රණවක විසින් තමනට එරෙහිව නඩු පවරුවහොත් තමන්ගේ නීතීඥයා ලෙස පාර්ලිමේන්තු මන්ත‍්‍රී නීතීඥ උදය ගම්මන්පිලල මහතා තෝරා ගන්නා බව පාර්ලිමේන්තු මන්ත‍්‍රි වාසුදේව නානායක්කාර මහතා සඳහන් කර ඇත.

‘චම්පික සාක්‍ෂි කූඩුවට නග්ගලා හරස් ප‍්‍රශ්න අහන්න ඔයාට වඩා කෙනෙක් මට හිතාගන්න බෑ. එනිමා මගේ නඩුවේ නීතීඥයා ලෙස පෙනී ඉන්න පුළුවන්ද’යි නානායක්කාර මහතා ගම්මන්පිල මහතාගෙන් විමසා ඇත.

‘ඔබතුමගේ ඉල්ලීම මට ගෞරවයක් වගේම සතුටක්. හැබැයි කීයටවත් ඔය නඩුව දාන්නේ නෑ. මටත් නඩු දානවා කියලා කිහිප විටක්ම මාධ්‍යයට කිවුවා. හැබැයි එන්තරාවාසියක්වත් එවා නෑ’ යයි පිලිතුරු සෙමින් ගම්මන්පිල මහතා සදහන් කර තිබේ.