මහමඟ දමාගිය දැරිය ළමා නිවාසයට

වයස අවුරුදු 4ක් පමණ වන කුඩා දැරියක් කුලියාපිටිය  බස් නැවතුම්පලේ දමා ගොස් සිටියදී කුලියාපිටිය පොලීසිය විසින් ඊයේ (01) සොයා ගෙන තිබේ.

එම දැරිය පොලිස් නිළධාරීන් විසින් විසින් රැගෙන යාමට ගත් උත්සාහය අසාර්ථක වූ බවද වාර්තා වේ. ඒ ඇය බස් නැවතුම්පොළ ආසන්නයේ සිටි වෙනත් කාන්තාවක් සමීපයට යාම නිසයි.

පොලීසිය විසින් අදාළ දැරිය පොලිස්  ළමා හා කාන්තා කාර්යංශයට භාරදීමෙන් අනතුරුව ඇය නාරම්මල මහේස්ත්‍රාත් අධිකරණයට ඉදිරිපත් කර තිබේ. එහිදී අධිකරණය නියෝග කොට ඇත්තේ අදාළ දැරිය මීගලෑව ළමා නිවාසයට භාර දෙන ලෙසයි.