මහින්ද පිලේ සිටි ගීතාට ශ්‍රීලනිප තනතුර අහිමිවෙයි

බෙන්තර - ඇල්පිටිය ශ්‍රී ලංකා නිදහස් පක්ෂ ප්‍රධාන සංවිධායිකා ගීතා කුමාරසිංහ මහත්මිය එම ධුරයෙන් ඉවත් කර තිබේ.

ඒ වෙනුවට බෙන්තර - ඇල්පිටිය සම ආසන සංවිධායකවරුන් ලෙස බෙන්තොට ප‍්‍රාදේශීය සභාවේ හිටපු සභාපති ගයාන් කි‍්‍රෂාන් සිරිමාන්න සහ ඇල්පිටිය ප‍්‍රාදේශීය සභාවේ හිටපු සභාපති අමිල හර්ෂණ කාරියවසම් යන මහත්වරුන් පත් කර ඇත.

නිදහස් පක්ෂ සභාපති හා ජනාධිපති මෛත්‍රීපාල සිරිසේන මහතා විසින් අද (28) පෙරවරුවේ ජනාධිපති කාර්යාලයේ දී මෙම පත්වීම් ලිපි ලබා දී ඇත. කිරුලපන පැවැත්වීමට නියමිත ඒකාබද්ධ විපක්ෂයේ මැයි රැලියට පුළුල් ප්‍රචාරයක් දෙමින්, එම රැලියට සහභාගී වන ලෙස ඉල්ලා ගීතා කුමාරසිංහ මහත්මිය ගාලු දිස්ත්‍රික්කය පුරා පෝස්ටර් අලවා තිබිණි.

එම රැලිය සංවිධානය කරන හිටපු ඇමති බැසිල් රාජපක්ෂ මහතා සමග ගාල්ලේ පැවති රැස්වීම් කිහිපයකට යමින් ගීතා කුමාරසිංහ මහත්මිය ඒකාබද්ධ විපක්ෂය සමග කටයුතු කිරීම හේතුවෙන් සිය සංවිධායක තනතුර අහිමි වී ඇතැයි වාර්තා වේ.