පාසලේ පිහි ඇනුමක්‌ - සිසුන් හතරක් මහමග

මල්වතුහිරිපිටිය හේනේගම ජාතික පාසලේ පිහි ඇනුමක්‌ සිදුව තිබෙනවා. 13 වසරේ ඉගෙනුම ලබන සිසුවෙකු විසින් එම විදුහලේ 12 වසරේ ඉගෙනුම ලබන සිසුන් සිව්දෙනකුට පිහියකින් ඇනීම  හේතුවෙන් තුවාල ලැබූ සිසුන් තිදෙනෙකු ගම්පහ මහ රෝහලට ඇතුළත් කර ඇති අතර තවත් සිසුවෙකු රදාවාන රෝහලට ඇතුළත් කර ඇතැයි මල්වතුහිරිපිටිය පොලිසිය සඳහන් කළා.

ඊයේ (23 ) දහවල් පාසල ආසන්නයේ ලේ ගලන තුවාල සහිතව වැටී සිටි මෙම සිසුන්ව දැක ඇත්තේ එම පාසලේ ගුරු භවතුන් දෙදෙනකු විසින් බවයි වාර්තා වන්නේ. ඔවුන්  එම සිසුන් සිව්දෙනාව රෝහල් ගතකර තිබෙනවා.

පුද්ගලික ආරවුලක්‌ එම පිහි ප්‍රහාරයට හේතුවී ඇතැයි පොලිසිය සඳහන් කළා. සැකකාර සිසුවා මෙතෙක් අත්අඩංගුවට ගෙන නොමැති බවයි වාර්තා වන්නේ.