සරාගි නිළිය ගෙළ කපා ගනී

බොලිවුඩ් නිළියක් හා නිරූපිකාවක් ලෙස ප්‍රසිද්ධියට පත් ඉන්දියානු නිළි ෂිකා ජොශි  (Shikha Joshi) සිය දිවි හානි කර ගෙන ඇති බව වාර්තා වේ.

ඉකුත් සෙනසුරා දා එනම් 16 වැනි දා පස්වරුවේ සිය නිවසේ දී ම ඇය සියදිය හානි කරගෙන ඇති බව ඉන්දීය මාධ්‍ය අනාවරණය කරයි.

බී.ඒ පාස් චිත්‍රපටයේ ශිල්පා ෂුක්ලා සමග ප්‍රධාන භූමිකාවක් නිරුපණය කළ ජොශි මරණයට පත් වනවිට 40 වැනි වියේ පසු විය. ඇයගේ නිවසේ නාන කාමරය තුළ දී තියුණු ආයුධයක් උපයෝගී කරගෙන ඇය සියදිවි හානි කරගෙන ඇතැයි වාර්තා වේ.

රූපලාවන්‍ය සම්බන්ධ වෛද්‍යවරයෙකුවන විජේ ශර්මා ඇයට බොහෝ සෙයින් කරදර කළ බව ෂිකා අසාධ්‍ය තත්වයෙන් රෝහල් ගත කරන අවස්ථාවේ දී සිය මිතුරියකට පවසා තිබේ. ෂිකා ජොශි අවසන් මොහාතේ පවසන ලද සියළු දෑ ඇගේ මිතුරිය විසින් සිය ජංගම දුරකතනයේ පටිගත කරගෙන ඇත.

ෂිකා ජොශි ජීවිතක්ෂයට පත්වන අවස්ථාව ප්‍රකාශ කළ වෛද්‍ය විජේ ශර්මා සම්බන්ධයෙන්වන නඩුවක් මේ වනවිට එරට අධිකරණයෙන් විභාගයට ගැනෙමින් පවතී. ඒ 2011 වසරේ දි ෂිකා ජොශි අපයෝජනය කිරීම සම්බන්ධයෙනි. 

අදාළ වර්ෂයේ දී ෂිකා ජොශි වෛද්‍ය විජේ ශර්මාගෙන් සිය පපුව සම්බන්ධයෙන් පරීක්ෂණයක් සිදු කිරීමට ගොස් සිටි අවස්ථාවේදී, ඇයව අපයෝජනයට ලක් කළ බව පවසමින් ෂිකා පොලීසියට කළ පැමිණිල්ලක් සම්බන්ධයෙන් අදාළ වෛද්‍යවරයා අත්අඩංගුවට ගනු ලැබී ය.

ෂිකා ජොශි (Shikha Joshi) රංගනයෙන් දායක වූ BA PASS හින්දි චිත්‍රපටයේ පූර්ව ප්‍රචාරක පටය පහතින් නරඹන්න.