රියදුරු බලපත්‍රයක් නැති සිසුවා ‘නිල්-රතු’ එළි දල්වා ධාවනයේ

පොලිසිය හැර ආරක්ෂක අංශයේ අවශ්‍යතාවයක් නැතිව කිසිම සිවිල් පුරවැසියකුට ‘නිල්, රතු’ හදිසි අවශ්‍යතා පෙන්වන බල්බ සවි කිරීම සිදු කර කුලියාපිටිය අධිකරණ බල ප්‍රදේශයේ ධාවනය කිරීමට අවසර නොමැති බව කුලියාපිටිය මහේස්ත්‍රාත්වරයා පැවසීය.

එසේ ගමන් කළ විට සිවිල් වැසියන් රැවටී ඔවුන්ට ඉඩ ලබා දෙන බවත් කුලියාපිටිය මහේස්ත්‍රාත් බන්දුල ගුණරත්න මහතා අධිකරණ භාෂා පරිවර්තක සුනිල් ගුණවර්ධන මහතා මගින්  පවසා තිබේ.

මේ බව පැවසූවේ බාලවයස්කරුවකු ‘නිල්-රතු’ එළි දල්වා රියදුරු බලපත් නොමැතිව ගමන් කිරීමේ නඩුවක් සම්බන්ධයෙනි. වරදකරු වූ කුලියාපිටියේ ගලහිටියාව පදිංචි 17 හැවිරිදි තරුණයාට රුපියල් 7000 ක දඩයක් නියම විය.