මෙහෙම නායයන්නේ මිනිසුන් කරන වැරදි නිසා

රට තුල ඇතැම් ස්ථානවල සිදුවන බරපතල නායයෑම්වලට හේතුවී ඇත්තේ ඉපැරණි නායයෑම් හදුනානොගෙන සිදුකරන අවිධිමත් ඉදිකිරීම් හා අනිසි මිනිස් ක‍්‍රියාකාරකම් නිසා බවත් ඇතැම් සංවර්ධන ව්‍යාපෘති   සදහා පළපුරුදු භූ විද්‍යාඥයින්ගේ අදහස් හා උපදෙස් නොවිමසා කටයුතු කිරීම බවත් ජේ්‍යෂ්ඨ භූවිද්‍යාඥ පේරාදෙණි විශ්වවිද්‍යාලයේ මහාචාර්ය කපිල දහනායක මහතා කියයි.

මහාචාර්යවරයා බදුල්ල හල්දුම්මුල්ල නායයැම් හා අනෙකුත් දිස්ත‍්‍රික්කවල නාය යෑම් සම්බන්ධයෙන් අදහස් දක්වමින් මෙසේද පැවසීය.

‘අද වන විට විවිධ ඉදිකිරීම් කරනවා.  කදු කපා දමමින් ඒවා නිසි අධ්‍යයනයකින් සිදු කරනවා.  පුරුදු භූ විද්‍යාඥයින්ගේ  උපදෙස් ලබාගැනීමක් වෙන්නේ නෑ.  මීට වැඩිය නාය යෑම් පිළිබදව පාසල් සිසුන් ජනතාව දැනුවත් කළ යුතුයි.  

නමුත් එසේ සිදුවන්නේ නෑ.  යම්කිසි සිද්ධියක් ඇති වුණ ගමන් ඒ ගැන සෑම දෙනෙක් වගේ සොයා බලනවා.  නමුත් දීර්ඝ කාලීනව සිදු කළ යුතු වැඩපිළිවෙලක් නැහැ.  ක්ෂේත‍්‍රය තුළ සොයා බැලීම් හා ආදිය සිදුකළ යුතුයි.  

භූ විද්‍යාඥයන්ගේ  අදහස් යෝජනා ගණන් නොගෙන කටයුතු කිරීමක් සිදුවෙනවා.  මේ ප‍්‍රදේශයේ පැරණි නායයෑමක් සිදුවෙලා තිබෙනවා වෙන්න පුළුවන්.  ඒවා නිසි පරිදි හදුනානොගෙන කටයුතු කිරීම නිසයි මෙසේ සිදුවන්නේ.  ඒ නිසා අදාළ අංශ දැනුවත් කිරීම අත්‍යවශ්‍යයි’