දේවානන්දා-තොණ්ඩමාන් ගැටෙති

ඇමතිවරුන් වන ආරුමුගම් තොණ්ඩමාන් හා ඩග්ලස් දේවානන්ද අතර වතුකරයේ දෙමළ ජනතාවට නිවාස 50000ක් ඉදිකර දීමේ යෝජනාවක් සම්බන්ධයෙන් ගැටුම්කාරී තත්ත්වයක් ඇති ව තිබේ.

මෙම නිවාස ඉදි  කිරීමේ යෝජනාව පසුගියදා පැවති කැබිනට් රැස්වීමේදී තොණ්ඩමාන් ඇමතිවරයා මීළග  කැබිනට් රැස්වීමට ඉදිරිපත් කරන බව පවසා ඇත.

එහිදී ඩග්ලස් දේවානන්ද ඇමතිවරයා පවසා ඇත්තේ උතුරේ දෙමළ ජනතාවටත් මේ අතරින් නිශ්චිත නිවාස සංඛ්‍යාවක් ඉදිකර දිය  යුතු බවයි.
එම ප‍්‍රකාශයත් සමග තොණ්ඩමාන් ඇමතිවරයා ඊට විරෝධය පළ කර ඇති අතර ඉන්දියාවෙන් උතුරේ ජනතාවට නිවාස ඉදිකර දෙන බව පවසා ඇත.

කෙසේ වෙතත් කැබිනට් රැස්වීම අවසානයේදී තොණ්ඩමාන් ඇමතිවරයා එළියට  බැස සදහන් කර ඇත්තේ ආණ්ඩුව ඌව පළාත් සභා ජන්දය ජයග‍්‍රහණය කළේ තම පක්ෂයේ   මැදිහත්වීමෙන් ලැබුණු වතුකරයේ ජන්දවලින් බවත් දේවානන්ද ඇමතිවරයා එයටත් විදින්නට එන බවත්ය.