කහටගස්දිගිලිය රන්පත්විල ඇල්ලවැව ගම්මානයේ විසූ දෙනෙත් ඉඳුවර නමැති මේ දරුවා මිය ගොස් තිබුනේ පේර ගසක ගෙඩි කඩන්නට යාමේදී එක්වරම ගසින් වැටීමේදී ගසේ අතුදෙකක් අතර කොටසක ගෙළ සිරවීමෙනි.
දරුවා පාසල් ඇරී නිවසට ආ පසුව වෙනදා මෙන් පුරුද්දට වත්ත පහළ ඇවිදීම ගස්වලින් ගෙඩා කඩා කෑම සිදු කර තිබුණ බවත් ඔහු ගැන විශේෂයෙන් සොයා බලන්නට උනන්දු නොවුණ දෙමාපියන් හේනේ වැඩට ගොස් තිබුණ බවත් කියැවුණ අතර ඔහු තනිව පේර ගසක නැග ගෙඩි කඩන්නට ගිය අවස්ථාවේ මේ අනතුර සිදුව තිබුණි.
නිවස ඉදිරිපිටම තිබුණ පේර ගසට නැඟ පේර කැඩීමට යෑමේදී පය ලිස්සා වැටී පේර ගසේ මං දෙබලක ගෙල සිරවීමෙන් මෙම අනතුරට ලක්වූ අතර ඔහු සිරවී ඇති බව නිවැසියන් දැනගෙන ඇත්තේ ටික වේලාවකට පසුවය. කහටගස්දිගිලිය රෝහලට පසුව ඔහු ඇතුළත් කළද ඒ අවස්ථාව වනවිටත් මියගොස් තිබුණ බව පොලිසිය පවසයි. මියගිය දෙනෙත් ඉඳුවර රන්පත්විල ඇල්ලවැව විද්යාලයේ 4 වැනි ශ්රේයේ ඉගෙනුම ලබමින් සිටි අයෙකි.
.jpg)
No comments:
Post a Comment