තමා ගුවන් හමුදාපති ලෙස කටයුතු කළ අවධියේ නාමල් රාජපක්ෂ මන්ත්රිවරයා ලෙස පෙනී සිටිමින් ගුවන් හමුදා සාමාජිකයකුගේ ස්ථාන මාරු කිරීමක් අවලංගු කරන මෙන් දුරකතන මාර්ගයෙන් බල කළ බවට චෝදනා කරමින් හර්ෂ අබේවික්රම මහතා විසින් විත්තිකරුට එරෙහිව කොළඹ අපරාධ කොට්ඨාසය වෙත පැමිණිල්ලක් ඉදිරිපත් කර තිබිණි. එම පැමිණිල්ල ඊයේ කැඳවූ අවස්ථාවේදී පැමිණිල්ල වෙනුවෙන් සාක්ෂි දීම සඳහා අධිකරණය හමුවේ පෙනී සිටින ලෙස දන්වා මීට පෙර සිතාසි නිකුත් කර තිබුණත් හිටපු ගුවන් හමුදාපතිවරයා අධිකරණය හමුවේ පෙනී සිටියේ නැත.
ඒ අනුව හිටපු ගුවන් හමුදාපතිවරයා වෙත නැවතත් සිතාසි නිකුත් කරන ලෙස පොලිසිය අධිකරණයෙන් ඉල්ලා සිටියේය. ඉල්ලීම සලකා බැලූ කොළඹ ප්රධාන මහෙස්ත්රාත් ලාල් රණසිංහ බණ්ඩාර මහතා සාක්ෂිකාර හිටපු ගුවන් හමුදාපතිවරයාට නොවැම්බර් මස 2 වැනිදා අධිකරණය හමුවේ පෙනී සිටින්නැයි දන්වා අවසන් වතාවට සිතාසි නිකුත් කළේය.
කේ.එස්. උදයකුමාර්
.jpg)
No comments:
Post a Comment