උතුරු පළාත් සභාවේ සම්මත කරගත් ෆෙඩරල් යෝජනාව ජනාධිවරයාට, අගමැතිවරයාට, කතානායකවරයාට හා විපක්ෂ නායකවරයාට භාරදීමට කටයුතු යොදා තිබුන ද පළමුව උතුරු මහ ඇමතිවරයා විසින් ෆෙඩරල් යෝජනාව කතානායකවරයාට ලබාදීම සම්බන්ධයෙන් පසුගිය දා රැස් වූ උතුරු පළාත් සභා සැසි වාරයේ දී උණුසුම් තත්ත්වයක් හට ගෙන ඇත.
ෆෙඩරල් යෝජනාව පළමුව කතානායකවරයාට ලබාදීම කුමන්ත්රණයක් බවත් එය හෙළා දකින බවටත් එහි දී දෙමළ ජාතික සන්ධානයේ පළාසභා මන්ත්රී කේසවන් සවෙන්ද්රන් මහතා කියා සිටියේ ය.
එම ප්රකාශයත් සමග ම දෙමළ ජාතික සන්ධාන මන්ත්රීවරු පිරිසක් විසින් කේසවන් සවෙන්ද්රන් මහතාගේ ප්රකාශයට පක්ෂව හා විපක්ෂ ව අදහස් ප්රකාශ කිරීමත් සමග විපක්ෂ මන්ත්රීවරු වූ එක්සත් ජනතා නිදහස් සන්ධාන සිංහල මන්ත්රීවරුවන වී. ජයතිලක හා ධර්මපාල සෙනවිරත්න යන පුද්ගලයින් විසින් අදාල ෆෙඩරල් යෝජනාවට ද විරෝධය පළ කර එහි දී පිළිතුරු වශයෙන් අදහස් දැක් වූ උතුරු මහ ඇමති සී.වී. විග්නේශ්වරන් මහතා පැවසී ය.
කතානායකවරයා හදීසියේ විදේශගතවීමට සිටි බැවින් පළමුව ෆෙඩරල් යෝජනාව කතානායකවරයාට ලබාදීමට සිදු වූ බවත් එය හැරෙන්නට වෙනත් කුමන්ත්රණයක් හෝ වෙනයම් විශේෂ හේතුවක් නොමැති බවටත් ය.
වන්නි - රොමේෂ් මධූෂංඛ
No comments:
Post a Comment