හිටපු අමාත්ය බැසිල් රාජපක්ෂ මහතා ද මෙවර මහමැතිවරණයට තරග නොකරනු ඇතැයි දේශපාලන ආරංචි පවසනවා. එක්සත් ජනතා නිදහස් සන්ධානයෙන් නාමයෝජනා ලබා ගැනීමට මේ දක්වා ඔහු ඉල්ලීමක් කර නොමැති බවයි වැඩිදුරටත් වාර්තා වුණේ.
මේ අතර එක්සත් ජනතා නිදහස් සන්ධානයේ නාමයෝජනා පත්ර සකස් කිරීම සම්බන්ධයෙන් අද (04) උදෑසන හිටපු පාර්ලිමේන්තු මන්ත්රී ඩබ්ලිව්.ඩී.ජේ සෙනෙවිරත්න මහතාගෙන් ද විමසීමක් කළා.
ඔහු කියා සිටියේ නාමයෝජනා පත්ර සකස් කිරීමේ කටයුතු ලබන සතිය ඇතුළත අවසන් කිරීමට හැකිවනු ඇති බවයි. ඉකුත් පාර්ලිමේන්තුවේ මන්ත්රීධුර දැරු ශ්රී ලංකා නිදහස් පක්ෂයේ සියලූ දෙනාට මෙවරද නාමයෝජනා හිමිවනු ඇතැයි ද ඔහු විශ්වාසය පළ කළා.
නාමයෝජනා පත්ර සකස් කර ඒවා භාරදීමෙන් අනතුරුව එක්සත් ජනතා නිදහස් සන්ධානයේ ප්රචාරක කටයුතු ආරම්භ කරන බවද ඩබ්ලිව්.ඩී.ජේ සෙනෙවිරත්න මහතා පවසනවා. ඒ සඳහා වෙන වෙනම කමිටු පිහිටුවන බවයි ඔහු වැඩිදුරටත් පැවසුවේ.
Source : Neth FM
.jpg)
No comments:
Post a Comment