ඝාතනයට ලක්ව ඇත්තේ ආරච්චිකට්ටුව - අඹකැලේ පදිංචිව සිටි මාරසිංහ ආරච්චිලාගේ ප්රදීප් කුමාර නැමැති 29 හැවිරිදි අයෙකි. ඊයේ (23) රාත්රි 10.00 ට පමණ පල්ලම පොලිස් වසමේ අඩම්මන පොදු සුසාන භූමිය ආසන්නයේ පාළු ස්ථානයකදී කිසියම් අයෙකු හෝ පිරිසක් විසින් මොහුව කපා කොටා දමා ගොස් ඇති බවයි පොලිසිය පැවසුවේ. කැපුම් කෙටුම් සහිතව මහ මග සිටි අයව ගම්වාසීන් දැක ඒ බව පල්ලම පොලීසියට දැණුම් දීමෙන් අනතුරුව කඩිනමින් හලාවත මහා රෝහලට ඇතුළත් කෙරුණා.
හලාවත මහා රෝහලේ ප්රතිකාර ලබමින් සිටි ඔහු අද (24) අලුයම 2.00 ට පමණ මිය ගොස් තිබෙනවා. මිය ගොස් ඇති අය 23 වැනිදා රාත්රියේ අඹකැලේ ප්රදේශයේදී කිසියම් පිරිසක් සමග ගැටුමක් ඇති කර ගෙන ඇති බවත්, එම ගැටුම සහ ඝාතනය අතර සම්බන්ධයක් තිබේද යන්න සම්බන්ධයෙන් විමර්ශණ කටයුතු සිදු කරන බවත් පල්ලම පොලීසිය පැවසුවා.
No comments:
Post a Comment