යහපාලනයට කැපවූ සංවිධාන 49 ක් එකම වේදිකාවක …යහපාලනය ගැන කලකිරේ …තීරණාත්මක සාකච්ඡාවක්

2015 ජනාධිපතිවරණයේදී පොදු අපේක්ෂකයා ලෙස ඉදිරිපත්වූ මෛත්‍රිපාල සිරිසේන ජනාධිපතිවරයා වශයෙන් පත් කර යහපාලන ආණ්ඩුව ඇති කිරීම වෙනුවෙන් කැපවූ සිවිල් සංවිධාන 49 ක් තවදුරටත් ආණ්ඩුවට සහය පල කරනවාද ? නැද්ද යන්න පිළිබදව සාකච්ඡා කිරීම සදහා අද (15) දිනයේදී රැස්වීමට නියමිතයි .

සාධාරණ සමාජයක්‌ සඳහා වූ ජාතික ව්‍යාපාරය ඇතුළු මෙම සංවිධාන 49 පසුගිය ජනාධිපතිවරණයේදී මෛත්‍රිපාල සිරිසේනට සහයෝගය ලබා දුන්නේ යහපාලනය ඇති කිරීමක් සදහා කැපවන බවට මෛත්‍රිපාල සිරිසේන ජනාධිපතිවරයා ලබා දුන් පොරොන්දුව අනුවයි .

ඒ අනුව විධායක ජනාධිපති ක්‍රමය අහෝසි කිරීම, දූෂිතයන්ට දඬුවම් දීම, දූෂණයෙන් තොරව ආණ්‌ඩුව පවත්වාගෙන යැම, ප්‍රජාතන්ත්‍රවාදය තහවුරු කිරීම ආදී කරුණු ඉටුකිරීමට ආණ්‌ඩුව මෙතෙක්‌ අපොහොසත් වී ඇති බැවින් මේ පිළිබද අද දිනයේදී එම සංවිධාන තීරණාත්මක සාකච්ඡාවක් සිදු කිරීමට නියමිතව තිබෙනවා. මෙම සාකච්ඡාව පිටකෝට්‌ටේ පිහිටි සාධාරණ සමාජයක්‌ සඳහා වූ ජනතා ව්‍යාපාර මූලස්‌ථානයේදී පැවැත්වෙයි.

lankanewsalert.com