මැණික් පතලක අභිරහස් මළ සිරුරක් (PHOTOS)

බගවන්තලාව, තෙරේසියා වතුයායේ කාසල්රී ජලාශයට ජලය ගලා බසින කෙසෙල්ගමු ඔය අාසන්නයේ මැණික් පතලක අභිරහස් ලෙස මියගොස් සිටි දෙදරු පියෙකුගේ මළ සිරුරක් අද (29) අළුයම සොයාගත් බව බගවන්තලාව පොලීසිය ප්‍රකාශ කරයි.

මෙසේ මියගොස් ඇත්තේ එම වතුයායේම පදිංචි නඩරාජ් විග්නේෂ්වරන් නමැති 38 හැවිරිදි දෙදරු පියෙකි.

ඔහුගේ නිවස ආසන්නයේම ජාතික මැණික් හා ස්වර්ණාභරණ අධිකාරිය මගින් නීත්‍යානුකූලව පවත්වාගෙන යන මැණික් පතල් වලක සිරුරක් පාවෙන බව වතු කම්කරුවන් විසින් බගවන්තලාව පොලීසිය වෙත කරන ලද දැනුම්දීමක් මත මෙම සිරුර සොයාගෙන තිබේ.

ඊයේ (28) රාත්‍රියේ සිට මියගිය තැනැත්තා නිවසින් අතුරුදන්ව සිටි බව ඔහුගේ ඥාතීක් ප්‍රකාශ කරයි.

සිද්ධිය සම්බන්ධ වැඩිදුර විමර්ශන බගවන්තලාව පොලීසිය විසින් ආරම්භ කර තිබේ.

ඡායාරූප පහතින්.

හැටන් - රංජිත් රාජපක්ෂ