පේරාදෙණිය වෙඩි තැබීමකින් ව්‍යාපාරිකයෙක් මරුට

පේරාදෙණිය - පිළිමතලාව - නානුඔය ප්‍රදේශයේ ඊයේ (26) රාත්‍රියේ සිදුවූ වෙඩි තැබීමකින් පුද්ගලයෙකු ජීවිතක්ෂයට පත්වී තිබේ.

පොලීසිය සදහන් කළේ යතුරු පැදියකින් පැමිණි පුද්ගලයන් දෙදෙනෙකු විසින් මෙම වෙඩි තැබීම සිදුකර පළා ගොස් ඇති බවයි.

සිද්ධියෙන් ජීවිතක්ෂයට පත්වී ඇත්තේ නානුඔය ප්‍රදේශයේ වෙළඳසැලක් පවත්වාගෙන ගිය 30 හැවිරිදි පුද්ගලයෙකි.

ඔහු වෙළදසැලේ සිටින අවස්ථාවේදී යතුරුපැදියෙන් පැමිණි පුද්ගයන් දෙදෙනා මෙම වෙඩි තැබීම සිදුකර ඇති බවට පොලීසිය තොරතුරු ලැබී තිබේ.

සැකකරුවන් මෙතෙක් අත්අඩංගුවට ගෙන නොමැති අතර සිද්ධිය පිළිබඳන පේරාදෙණිය පොලීසිය පරීක්ෂණ ආරම්භ කර ඇත.