ධම්මාලෝක හිමිට රට යන්න අවසර

බලපත්‍රයක් නොමැතිව අලි පැටවකු ලඟ තබා ගත්තැයි කියන උඩුවේ ධම්මාලෝක හිමියන්ට ලන්ඩනයේ පින්කමකට සහභාගී වීම සඳහා මහාධිකරණය අද(30) අවසර දුන්නේය.

ඒ අනුව ගමන් බලපත්‍රය සැප්තැම්බර් 13 වැනිදා අධිකරණයට බාර දෙන ලෙස මහාධිකරණ විනිසුරු නිශ්ශංක බන්දුල කරුණාරත්න මහතා අද නියෝග කළේය.

නාදුනන කෙනෙකු තමන් වැඩ සිටින පොල්හේන්ගොඩ ඇලන් මැතිණියාරාමයේ ගේට්ටුව ලඟ අලි පැටියා දමා යන්නට ඇතැයි ද තමා එම පැටවා ඇති දැඩි කළැයි ද ධම්මාලෝක හිමියන් රහස් පොලිසියට ප්‍රකාශ කර ඇත.