රාජගිරිය ගුවන් පාලමේ ඉදිකිරීම් නිසා ගමනාගමනයට බාධා

රාජගිරිය ගුවන් පාලමේ ඉදිකිරීම් නිසා රාජගිරිය මංසන්ධිය අවට වාහන තදබදයක් ඇති විය හැකි බව මහා මාර්ග අමාත්‍යංශය පවසයි.

ගුවන් පාලමේ ඉදිකිරීම් සඳහා මාර්ගය කැණීම හෙට (31) සිට ආරම්භ කිරීමට නියමිතය.

තුන් වන වාරය සඳහා පාසල් විවෘත කිරීමට නියමිතව තිබෙන්නේ ද හෙට දිනයේදීය.

ඒ හේතුවෙන් රාජගිරිය මංසන්ධිය අවට හෙට අසාමාන්‍ය වාහන තදබදයක් ඇති වීමට ඉඩකඩ ඇති බව මහා මාර්ග අමාත්‍යංශය සඳහන් කරයි.

එය අවම කිරීම සඳහා විකල්ප මාර්ග භාවිතයට රියදුරන්ට පුහුණුවක් ලබාදීමේ අපේක්ෂාවෙන් අදාළ මාර්ගවල වාහන ධාවනය අද (30) සිට සීමා කරන බව මහමාර්ග අමාත්‍යංශය වැඩිදුරටත් ප්‍රකාශ කර සිටී.