බංග්ලාදේශයේ රාමසාන් උත්සවයකට ප්‍රහාරයක්-5ක් මරුට

බංග්ලාදේශයේ ශෝලකියා නම් නගරයේ පැවැත්වෙන ප්‍රධානතම රාමසාන් සැමරුම අතරතුර සිදුවූ බෝම්බ පිපුරුමකින් 5 දෙනෙකු ජීවිතක්ෂයට පත්වී තිබෙනවා.

ඉන් තවත් පුද්ගලයින් 16 දෙනෙකු තුවාල ලබා ඇති බවයි වාර්තා වන්නේ. බංගලාදේශයේ ඩකා අගනුවර සිට වයඹ දිශාවට කිලෝමීටර 140ක් දුරින් පිහිටි ශෝලකියා නගරයේ අදාළ පිපුරුම සිදුවුණා. පිපිරුමත් සමග තුවක්කුකරුවන් විසින් වෙඩි තැබීමක්ද සිදුකර තිබෙනවා.

එරට ප්‍රධානතම රාමසාන් සැමරුම එම නගරයේ පැවැත්වෙන අතර එය ඉලක්ක කර අදාළ ප්‍රහාරය දියත් කර ඇති බවට බංගලාදේශ පොලිසිය සැක පළ කරනවා. ප්‍රහාරය එල්ල කළ බවට සැකපළ කෙරෙන පුද්ගලයෙකු ද මෙහිදි මියගොස් ඇති බවයි වාර්තා වන්නේ. එරට මාධ්‍ය වාර්තා වන්නේ ශෝලකියා නගරයේ පැවැත්වෙන රාමසාන් සැමරුම් සඳහා ලක්ෂයකට අධික පිරිසක් සහභාගී වන බවයි .