පරිසරයට සිදුවන හානි අවම කිරීමේ අරමුණින් මෙම තීරණය ගෙන ඇති අතර ඒ අනුව ඊට අදාළ නීති ලබන ජූලි මස 01දා සිට ක්රියාත්මක බව එම අමාත්යංශය සඳහන් කරයි. ඒ අනුව සියලූම බැතිමතුන් කොටියාගල හරහා සහ අම්පාර - කුමන අභයභූමිය හරහා වන ප්රධන මාර්ග දෙක පමණක් භාවිතා කරමින් මින් ඉදිරියට කැබලිත්ත දේවාලයට ගමන් කළ යුතු වේ.
අදාළ මාර්ග දෙකෙන් ගමන් කිරීමේදී ප්රවේශපත්ර ලබාගැනීමේ කවුළු 02ක් ඉදිරියේදී ස්ථාපිත කිරීමට ද සැළසුම් කර ඇති අතර ට්රැක්ටර් රථවලින් පැමිණෙන බැතිමතුන් සඳහා රුපියල් 1000ක මුදලක් ද ජීප් රථවලින් පැමිණෙන බැතිමතුන් සඳහා රුපියල් 2500 ක් ද අය කෙරෙනු ඇති.
මීට පෙර කැබලිත්ත දේවාලයට ගමන් කිරීමට යොදාගත් ගල්ගේ මාර්ගයේ ගමනාගමන කටයුතු සඳහා ඉඩ නොලැබෙන අතර මෙම තීරණ රජයේ ප්රධානීන්ට ද ක්රියාත්මක බව වාර්තා වේ.
එමෙන්ම විශාල ප්රමාණයේ ටයර් යෙදු ඕෆ්රෝඞ් වර්ගයේ රථ යොදාගෙන කැබලිත්ත දේවාලය වන්දනා කිරීමට යාම ද සම්පූර්ණයෙන් තහනම් වේ.
තවද වර්ෂාව අධිකව පවතින සැප්තැම්බර් මාසයේදී වන්දනා සඳහා පැමිණිම ද රාත්රී 7න් පසු කැබලිත්ත දේවාලයේ පූජාවන් පැවැත්වීම ද තහනම් කිරීමට තිරසාර සංවර්ධන හා වනජීවී අමාත්යංශය තීරණය කර තිබේ.
.jpg)
No comments:
Post a Comment