ඇන්ජලිනාගෙන් අලුත්ම පච්ච 03 ක් - එකක් බුද්ධ මන්තරයක් (PHOTOS)

ලෝක ප්‍රසිද්ධ සිනමා තාරකාවක් වන ඇන්ජලිනා ජොලි සිය සිරුරට අලුත්ම පච්ච තුනක් එකතු කරගෙන තිබෙනවා. මේ වන විට 40 වැනි වියේ පසුවන ඇන්ජලිනා ජොලි කොලොම්බියාවේ අලුත් චිත්‍රපටයක් අධ්‍යක්ෂණය කරමින් සිටිනවා.

මේ අමුතු ආකාරයේ පච්ච 03 මාධ්‍යට අනාවරණය වී තිබෙන්නේ මෙම වැඩකටයුතු අතරතුරදි බවයි වාර්තා වෙන්නේ. එතෙක් බොහෝ දෙනෙකුට රහසක්ව පැවැති මෙම පච්ච පිළිබඳව හෙළි වීමෙන් පසු එහි සඳහන් වන කරුණු ගැනත් හෙළි කර ගැනීමට ඇන්ජලිනා ජොලි පිටුපස හඹා ගිය පැපරාසින් සමත් වී සිටිනවා.

ඒ අනුව සඳහන් වන්නේ ඇන්ජලිනා ජොලි සිය ශරීරයට එකතු කරගෙන ඇති මෙම පච්චවල ඇත්තේ ඉපරැණි තායි බෞද්ධ සංඛේත සහ මන්ත්‍රයක් බවයි.