මාතර නගරයේ ආරක්ෂාවට පොලිස් නිලධාරීන් 2300ක්

අද (19) මාතර නගරය කේන්ද්‍ර කරගනිමින් පැවැත්වීමට නියමිත රණවිරු සැමරුම් උත්සවය වෙනුවෙන් මාතර නගරයේ ක්‍රියාත්මක කෙරෙන විශේෂ රථවාහන සැලැස්මෙහි රාජකාරි කටයුතු සඳහා මෙන් ම ප්‍රදේශයේ ආරක්ෂාව වෙනුවෙන් පොලිස් නිලධාරීන් 2363 දෙනෙකු සේවයේ යොදවා ඇති බව පොලිස් මාධ්‍ය ප්‍රකාශක කාර්යාලය පවසයි.

ඒ අනුව ඊයේ (18) පෙරවරුවේ සිට ක්‍රියාත්මක වන විශේෂ රථවාහන සැලැස්ම වෙනුවෙන් පොලිස් නිලධාරීන් 741දෙනෙකු යොදවා ඇත. 

මීට අමතර ම රණවිරු සැමරුම පැවැත්වෙන ප්‍රදේශයේ සහ අවට ආරක්ෂක කටයුතු සඳහා පොලිස් නිලධාරීන් 1622දෙනෙකු ද යොදවා ඇත.  2015 රණවිරු සැමරුම් උළෙල අද මාතර නගරය කේන්ද්‍ර කරගනිමින් පැවැත්වීමට කටයුතු යොදා ඇත.