ආසියානු රග්බි ශූරතා පළමු කාණ්‌ඩයේ තරගාවලිය දක්‍ෂතා අතින් ඉහළින්ම සිටින කණ්‌ඩායම් සහභාගීවන කලාපයේ ඉහළම පිළිගැනීමට ලක්‌වන තරගාවලියක්‌ වන අතර එයට කසකස්‌තානය, සිංගප්පූරුව, සත්කාරක පිලිපීනය සහ ශ්‍රී ලංකාව සහභාගීවීමට නියමිතය.
2012 සහ 2013 වසරවල ජාතික කණ්‌ඩායමේ නායකත්වය දැරූ යෝෂිත රාජපක්‍ෂ වසර 3 ක පමණ කාලයක සිට ජාතික කණ්‌ඩායමේ නිරන්තරයෙන්
රැඳී සිටි ක්‍රීඩකයෙකි.
ඔහු නායකත්වයට පත්වූ පළමු වසර වන 2012 වසරේ පිලිපීනයේ පැවැති ආසියානු 'ෆයිව් නේෂන්' තරගාවලියේ අනුශූරතාව ශ්‍රී ලංකාව විසින් දිනාගනු ලැබූ අතර, 2013 වසරේ පැවැති අදාළ තරගාවලියේ ශූරතාව දිනාගනිමින් ආසියාවේ පළමු කණ්‌ඩායම් 4 අතරට පත්වීමටද ඔහුගේ නායකත්වය යටතේ ශ්‍රී ලංකාවට හැකිවිය.
අදාළ ජයග්‍රහණ හිමිකරගත් ජාතික කණ්‌ඩායමේ නායකයා අවම වශයෙන් සංචිතයේ හතළිස්‌ ගණනක්‌ අතරට නම්ව නැත්තේ කුමන හේතුවක්‌ නිසාදැයි ශ්‍රී ලංකා රග්බි මණ්‌ඩලයේ ප්‍රධාන විධායක නිලධාරී රොහාන් ගුණරත්න මහතාගෙන් කරන ලද විමසීමේදී, ''අපි මේ වන විට සංචිතය තෝරා අවසන් බව ඇත්ත.
නමුත් මේ වනතුරු මගේ අතට ඒ ලැයිස්‌තුව ලැබී නැහැ. හෙට වන විට එය මගේ අතට පත්වෙයි. එතෙක්‌ ඒ ගැන මට කිසිවක්‌ කියන්නට බැහැ' යෑයි පිළිතුරු දුන්නේය.
(දිවයින)
No comments:
Post a Comment