ශ‍්‍රී මහ බෝධිය, රුවන්මැලි සෑය අතේ දුරින් සමාජ ශාලාවක්

ශ‍්‍රී මහ බෝධීන් වහන්සේ සහ රුවන්වැලි මහ සෑය පෙනෙන තෙක් මානයේ අනුරාධපුරයේ ප‍්‍රථම රාත‍්‍රී සමාජ ශාලාව ඉදිකර ඇතැයි එක්සත් ජාතික පක්ෂ අනුරාධපුර දිස්ත‍්‍රික් මන්ත‍්‍රී පී.  හැරිසන් මහත පාර්ලිමේන්තුවේදී කීය.

ඊට අදහස් පල කරනමින් දේශීය වෛද්‍ය ඇමති සාලින්ද දිසානායක මහතා කියා  සිටියේ රාත‍්‍රී සමාජශාලා තම අමාත්‍යංශයට අදාළ විෂයක් නොවන  බවයි.

තම අමාත්‍යංශයට රටේ ඇති සියලූම සම්බාහන මධ්‍යස්ථාන නියාමන කිරීමේ බලය නොමැති බව කී ඇමතිවරයා මේ නිසා සිය අමාත්‍යංශය යටතේ ලියාපංදිංචි නොවූ ප‍්‍රාදේශීය ලේකම් කොට්ඨාශ මට්ටමින් ව්‍යාපාර ලෙස පවත්වාගෙන යන සම්බාහන මධ්‍යස්ථාන තුන්දහසක් පමණ නියාමනය කිරීමට හැකිවන පරිදි දේශීය වෛද්‍ය පනතට අදාළ සංශෝධන නුදුරු දිනකදී පාර්ලිමේන්තුවට ඉදිරිපත් කරන බවද පැවසීය.