කිරිබත්කුඹුරේදී මහලු කාන්තාවක ඝාතනය කළ 17 හැවිරිදි තරුණයෙක් අත්අඩංගුවට (VIDEO)

කිරිබත්කුඹුර, පිලපිටිය ප්‍රදේශයේ දී 74 හැවිරිදි කාන්තාවක‍ ඝාතනය කිරීම සම්බන්ධයෙන් තරුණයෙකු අත්අඩංගුවට ගෙන තිබේ. 

පොලිස් මාධ්‍ය ප්‍රකාශක කාර්යාලය පැවසුවේ, ඝාතනයට ලක් වූ කාන්තාවගේ නිවසට නිතර පැමිණෙන අසල්වැසි තරුණයෙකු පෙ‍රේදා රාත්‍රියේ මෙම ඝාතනය සිදුකර ඇති බව ය.

පොලීසිය පැවසුවේ, මුදල් සොරකමක් සම්බන්ධයෙන් ඇති වූ බැණ වැදීමක් හේතුවෙන් උරණ වූ 17 හැවිරිදි සැකකරු රෙදි පටියකින් අදාළ වයෝවෘද්ධ කාන්තාවගේ ගෙල  සිරකර  කර මරා දමා දූෂණය කර ඇති බව ය.

සැකකාර තරුණයා ඊයේ රාත්‍රියේ අත්ඩංගුවට ගෙන ඇති අතර සිද්ධිය සම්බන්ධයෙන් වැඩිදුර පරීක්ෂණ ක්‍රියාත්මක බව පොලීසිය පැවසී ය.