සජිත් හෙට සිට යළි වැඩට

නව ප්‍රජාතන්ත්‍රවාදී පෙරමුණේ ජනාධිපති අපේක්‍ෂකයා වූ සජිත් ප්‍රේමදාස මහතා හෙට (05දා) සිට යළිත් දේශපාලන කටයුතු ආරම්භ කිරීමට තීරණය කර තිබේ.

ඒ අනුව සජිත් ප්‍රේමදාස මහතා කොළඹ 02, වොක්ෂෝල් වීදියේ පිහිටි නව ප්‍රජාතන්ත්‍රවාදී පෙරමුණේ මැතිවරණ මෙහෙයුම් කාර්යාලට අද (04දා) පැමිණ ඔහුට හිතවත් පිරිස් හමුවීමට සැලසුම් කර ඇත.

හෙට සිට දිවයින පුරා පිහිටි විහාරස්ථානවල ආගමික කටයුතුවලට සම්බන්ධ වීමටත්, මහජනතාව හමුවීමටත් සජිත් ප්‍රේමදාස මහතා කටයුතු යොදා තිබෙන බවද එක්සත් ජාතික පෙරමුණේ පාර්ලිමේන්තු මන්ත්‍රී හරින් ප්‍රනාන්දු මහතා පැවසීය.

සජිත් ප්‍රේමදාස මහතා සහ ඔහුට හිතවත් පාර්ලිමේන්තු මන්ත්‍රීවරුන් පෙරේදා දිනයේදී හමු වී ඉදිරි දේශපාලන කටයුතු සම්බන්ධව දීර්ඝ ලෙස සාකච්ඡා කළ බවත්, අද දිනයේදීද එම කණ්ඩායම යළිත් හමු වී සාකච්ඡා කරන බවත් මන්ත්‍රීවරයා සඳහන් කළේය.

එක්සත් ජාතික පක්‍ෂයේ නායකත්වය හා විපක්‍ෂනායක ධුරය සම්බන්ධව එ.ජා.ප.යේ නායකයන් ඉදිරි දින කිහිපයේදී තීරණයක් ගනු ඇතැයි විශ්වාස කරන බවත්, රනිල් වික්‍රමසිංහ මහතා පක්‍ෂයේ අනුශාසකවරයා ලෙස සිටියදී සජිත් ප්‍රේමදාස මහතාට පක්‍ෂ නායකත්වය හා විපක්‍ෂනායක ධුරය ලබාදිය යුතු බවත් ඒ මහතා ප්‍රකාශ කළේය.

https://ift.tt/2X88JGW