අර්ජුන් රහස් පොලීසියට භාරදුන් ජංගම දුරකතනයේ වෙනසක් හෙළිවෙයි

පර්පෙචුවල් ට්‍රෙෂරීස් සමාගමේ අර්ජුන් ඇලෝෂීයස් මහතා අපරාධ පරීක්ෂණ දෙපාර්තමේන්තුවට භාරදී ඇත්තේ පසුගිය මාස 06දී භාවිත කළ ජංගම දුරකතනයක් බව නීතිපති දෙපාර්තමේන්තුව අද(26) බැඳුම්කර ගනුදෙනු විමර්ශනය කරන ජනාධිපති කොමිසමට දැනුම්දී තිබේ.

2015 වසරේදී ඔහු භාවිත කළ ලැප්ටොප් පරිගණක ඇතුළු සන්නිවේදන උපකරණ අපරාධ පරීක්ෂණ දෙපාර්තමේන්තුවට භාර දෙන ලෙස එම කොමිසම පසුගිය සඳුදා අර්ජුන ඇලෝෂීයස් මහතාට දැනුම් දී තිබිණි. එම නියෝගය අනුව ඔහු එදින පස්වරුවේම අදාළ උපකරණ අපරාධ පරීක්ෂණ දෙපර්තමේන්තුවට භාර දී තිබිණි.