වී අලෙවි මණ්ඩලය සතු සියළු වී තොග මිලට ගෙන වහාම සහල් කර වෙළඳපොළට නිකුත් කරන ලෙස කර්මාන්ත හා වාණිජ කටයුතු අමාත්ය රිෂාඩ් බදියුදීන් මහතා සමූපාකාර තොග වෙළඳ සංස්ථාවට උපදෙස් ලබා දී ඇත. අමාත්යවරයා මෙසේ උපදෙස් ලබාදුන්නේ පසුගිය 25දා පාර්ලිමේන්තුවේදී ජීවන වියදම් කමිටුව රැස් වූ අවස්ථාවේදීය.
වෙළඳපොළ තුළ සහල් හිඟයක් ඇති වීම වැලැක්වීම පිණිස මෙලෙස දේශීය සහල් තොග වෙළඳපොළට නිකුත් කරන බව අමාත්යවරයා සඳහන් කළේය. මේ අනුව වී අලෙවි මණ්ඩලය සතු වී මෙට්රික් ටොන් 55,000 ක් ඉතා ඉක්මණින්ම සහල් කර වෙළඳපොළට නිකුත් කරන අතර මෙයට අමතරව තවත් සහල් මෙට්රික් ටොන් 50,000 ක් මියන්මාරයෙන් හා පාකිස්ථානයෙන් ආනයනය කිරීමට ද පියවර ගෙන ඇති බව අමාත්යවරයා වැඩිදුරටත් පැවසීය.
No comments:
Post a Comment