ශ්‍රී ලංකාව හරහා අයි.එස් ත්‍රස්තවාදීන්ට බෙහෙත් තොගයක් ගිය හැටි මෙන්න

ඉන්දියානු සමාගමක් විසින් ශ්‍රී ලංකාව හරහා ලිබියාවේ අයි.එස්.අයි.එස් ත්‍රස්තවාදීන්ට ට්‍රැමඩෝල් වේදනා නාශක පෙති තොගයක් යවා ඇති බවට 'ද ටයිම්ස් ඔෆ් ලන්ඩන්' විදෙස් පුවත් සේවා අනාවරණය කරනවා. ඉතාලියා පොලිස්  භාරයට ගෙන ඇති එම වේදනා නාශක පෙති, ප්‍රමාණයෙන් මිලියන 37ක් බවටයි වාර්තා වන්නේ.

එහි වටිනාකම අමෙරිකානු ඩොලර් මිලියන 75ක් බවට තක්සේරු කර තිබෙනවා. වෙළෙඳ වාසි ලබාගැනීම සඳහා හෝ අයි.එස් සටන්කාමීන්ගේ ප්‍රයෝජනය සඳහා  මෙම පෙති ගෙන්වන්නට ඇති බවට ඉතාලි පොලීසිය සඳහන් කර තිබෙනවා.

ඩුබායි කේන්ද්‍ර කරගත් ආනයනය කරුවෙකු විසින් මෙම පෙති තොගය ඇනවුම් කර ඇති අතර, ඒවා සීත කබා සහ හිසගල්වන ෂැම්පු වර්ගයක් ලෙසින් බහලුම් 3ක සඟවා රැගෙන ගොස් ඇති බවටයි අනාවරණ වන්නේ.