ලසිත් මාලිංගට සම්පූර්ණ සුවයි !

ශ්‍රී ලංකා සුපිරි පන්දු යවන්නා වන ලසිත් මාලිංග මේ වන විට සම්පූර්ණ සුවය ලබා ඉදිරි ලෝක කුසලානයට ක්‍රීඩා කිරීමට හැකි තත්ත්වයක සිටින බව ශ්‍රී ලංකා ක්‍රිකට් තේරීම් කමිටු සභාපති සනත් ජයසූරිය පැවසීය.

ඒ අනුව ඔහු ලෝක කුසලාන තරගාවලියේ ශ්‍රී ලංකාව සහභාගිවන පළමු තරගයේදී නවසීලන්තයට එරෙහිව පන්දු යැවීමට නියමිත බවද පැවසේ.

ලසිත් පාදයේ ආබාධයකට ලක්වූයේ පසුගිය සැප්තැම්බරයේදීය. පසුව ඔහු ඔස්ට්‍රේලියාවේ මෙල්බර්න් හිදී ශෛල්‍යකර්මයකට භාජනය විය. ඉන් පසුව ඔහුට සිව්මසක කාලයක් විවේක ගන්නා ලෙස වෛද්‍ය උපදෙස් ලැබී තිබිණි.