මේ බව ඊජිප්තු රජය විසින් නිල වශයෙන් ප්රකාශ කර නොමැති වුවද මාධ්ය වෙත අදහස් දැක්වූ නිර්නාමික නිලධාරීන් දෙදෙනෙකු විසින් එය තහවුරු කර තිබේ.
ඇසෝසියේටඞ් ප්රෙස් පුවත්සේවය වාර්තා කර ඇත්තේ මෙම ගුවන් ප්රහාර ඊජිප්තුව විසින් ආරම්භ කර ඇති විශාල පරිමාණයේ මෙහෙයුමක අංගයන් බවයි. එම මෙහෙයුම මාස 3-6 අතර කාලයක් පුරා ක්රියාත්මක කෙරෙනු ඇතැයි පැවසේ.
ඊජිප්තු ජනාධිපති අබ්ඩෙල් ෆටා අල් සිසිගේ මාධ්ය ප්රකාශක අලා යූසෙෆ් විසින් තම ප්රහාරක යානා ලිබියාවේ ඉලක්කවලට පහරදෙන බව ප්රතික්ෂේප කර ඇතැයිද වාර්තා වේ.
කෙසේවෙතත් නිර්නාමික නිලධාරීන් පවසා ඇත්තේ ලිබියානු රජය ලෙස ජාත්යන්තරව පිළිගන්නා කණ්ඩායම විසින් සිදුකළ ඉල්ලීමකට අනුව මෙම ගුවන් ප්රහාර දියත් කළ බවයි.
ටි්රපොලි අගනුවරින් ලිබියානු රජය පලවා හැරීමට සන්නද්ධ ඉස්ලාමික සටන්කාමී කණ්ඩායම් කිහිපයක් විසින් සමත්ව ඇති අතර මේ වන විට ලිබියානු රජය නැගෙනහිර ලිබියාවේ ටොබෘක් සිට ක්රියාත්මක වන බව පැවසේ.
මේ අතර ඊජිප්තුව විසින් මෙලෙස යාබද බෙන්ගාසි ප්රාන්තයේ සටන්කාමීන් වෙත පහරදෙන්නේ ඊජිප්තුවේ ආරක්ෂාවට ඔවුන්ගෙන් එල්ල වන තර්ජනය නිසා බවද විචාරකයින් පවසති.
No comments:
Post a Comment