මටත් සිර දඬුවම් නියම වීමට නියමිතයි.. චොකා මල්ලි වගේ මටත් පාර්ලිමේන්තු එන්න ඕනෑ - රන්ජන් කතානායකගෙන් ඉල්ලයි

තමන් ලඟදීම හිරේ යාමට නියමිත බවට ආරංචි මාර්ග ගලාගෙන එන බව සමගි ජන බලවේගය පාර්ලිමේන්තු මන්ත්‍රී රන්ජන් රාමනායක මහතා සඳහන් කරයි.

තමන් විවිධ අකටයුතුකම් ගැන කතා කරන නිසා අධිකරණයේ මේ වනවිට තමන්ට විරුද්ධව නඩු 36ක් පමණ විභාග වන බවද ඔහු සඳහන් කළේය.

දේශපාලන පළිගැනීමක් කර හිරේ නොයැවුවොත් තමන් දිගටම ජනතාව වෙනුවෙන් පෙනී සිටින බව මන්ත්‍රීවරයා පැවසුවේය.

මිනීමැරුම් චෝදනා වලට හිරේ ගිය අය පාර්ලිමේන්තුව නියෝජනය කරන ආකාරයටම තමන්ටද සිර දඬුවම් නියමු වූවොත් ඒ නීතිය තමන්ට ද බලපානු ඇතැයි ඔහු කියා සිටියේය.

මන්ත්‍රීවරයා මෙම අදහස් පල කරන ලද්දේ ඊයේ පාර්ලිමේන්තුව අමතමිනි.

අධිකරණයට අපහාස කලේ යයි රන්ජන් රාමනායක මහතාට විරුද්දව පැවති නඩුවක් මේ වන විට විභාග කර අවසන් වී ඇති අතර එහි තීන්දුව ඉදිරි මාසයේදී ලබා දීමට නියමිතව තිබේ.